 |
|
|
|
|
|
|
|
|
Op
Vastelaoveszóndig zal de optoch weer door 't dörp trèkke. De deilnummers stèlle
zich op op de parkeerplaats van Feron. Van dao-oet zal, es ederein zien plaats
haet ingenómme, de optoch vertrèkke. Det zal effekes nao 14.11oer zeen. Défilee De Prins zal same mit de Raod, vanaaf ziene Prinsewage, 't defilee in de buurt van ‘t opstèlle aafnumme. Route Lèt op! De route is in 2008 aangepas: ’t stök Hoogveld – ’t Root is gesjrap! Noa ‘t opstèlle geit de optoch den verder äöver de Pas, door de Eyckholtstraot, de Lieëge Bóngerd, de Drs. J. Lebensstraot, de Maasheuvel, Sjèttering, de Kestieël ter Borchstraot, de Burg. Sjoalmeistersstraot, de Mölestraot, de Kagedaal, de Belhaofstraot, de Jan Pieëtersstraot, de Maasheuvel en de Eyckholtstraot. De óntbènjing vundj plaats in de zaal van ’t gemeinsjapshoes. (Door de aanpassing van de waeg, kènt de prinsewage neet mieë door Sjettering via de Mezeikerwaeg de Nuujstraot in kómme. Aan de Kirk zal de Prins mit zien gevolg van de wage aafkómme en op ’n anger maneer de route aaflègke. De wage zelf zal vanaaf de kirk nao d’n hook bie “Courage” rieje. Dao zal ’t Prinselik gevolg weer op de wage kroepe!) Prieze Taege ’n oer of vief, zal vice-vors Charel de jury-oetslaag bekènd make en zal de Prins, same mit ‘t Jeugprinses, de prieze oetreike. |
|
|
