|
| |
Weer, Prins Roel I,
Biej de gratie van gans Roostere, regerend Prins äöver ‘t Borchgraveriek in ‘t
jaor 2011
Graaf van ‘t kestieël, Goeverneur van de Maasheuvel en de Pas, Opperhertog van
de “Bóngerdhaof”, de lieëge en de hoage bóngerd, Dorstlustige Hoagheid van ’t
Stčtje in Koekkelieërt en de Sjansberg, Baron van ’t kenaal, ‘t Rölke en de
Zwarte Baek, Offeseer in de orde van de Klokkekoel in Aw-Kirk tót aan de aw
Steinkoel op Doavandrčnj, Besjermhieër, van de Rök mit bunker en ’t
Paerdskirkhaof, de Mäölestraot en de Steinakker, Jonkhieër van ’t Blaoswaegske
en de Koewaeg, Ridder van Hoeffaert en ‘t Hoagveldj tót aan de 'Pater
Sangersbrök', Kommissaris van de Kampesbrök en de brök äöver de Zwartebaek,
Zoon van Pierre van Jennen van Chris en Bertha vanne Vos van Aw Kirk en van
Mariet van Jan en Mie van Laumen van St. Joas Gebaore en opgegreujd op ‘t Echter
Gebrook en dit jaor al 11 jaor in Roostere! Gekoppeld aan Inge, ‘n echte
Borchgravin, Baas van Pucky en Jacky, oos twieë Jack Russels, Teamleider van de
verwirkers van de raekeninge bie ’t Centraal Ziekefónds in Zitterd,
Wageboewcommissielid van buurt Maasheuvel, Wil gaer släötele aan aw tractors,
Duit gaer gewichte ophöffe en fitse oppe sportsjoal Sjtuk völ tied in ’t
opknappe vanne koaj.
Köninklikke bewaker van de nuuj lampe op de stóp vanaaf de rotonde tót bekans
bie mien hoes. Verder de verantjwoording höbbende äöver Sjčttering, de Nuuj- en
de Hoagstraot, de opgehuuegde Tramdiek, de hoagspanningsmaste, de Mčrt mit de
alarmmas, de rotonde, de stopleechte in Aw Kirk en alles verder hie neet
geneumd.
Op väördrach van Bestuur, Vors Eric, Wieze Raod en alle lede van “De
Borchgrave”, laote weer, es achentwintjigste Prins van “De Borchgrave”, ‘t
volgende bekčnd make:
- Weer laote weite det:
- Weer ós bčs zulle doon óm eine gooje Vastelaovend te kriege.
- Weer det allein kčnne mit de hulp van Uch allemaol.
- Weer de naam van de vereiniging hoag zulle hawte, noe en ouch later.
- Weer belaove ós te zulle hawte aan de regels wie die vas ligke.
- Weer altied paraat zeen, es det nuuedig is.
- Weer mit alle maedjes en vrouwluuj zulle danse en det Inge det zeker good
zal včnje.
- Weer haope det eederein väöl plezeer zal make.
- Weer väör de jeug eine sjoane middig zulle verzörge.
- Weer haope det ederein zich good zal verstaon en zich zal ammezere.
- Weer op Asgoonsdig kčnne zčgke: 'Det woor eine gooje Vastelaovend!'
- Weer zulle volhawte volgens ‘t gezčgde:
'Vunjdse thoesblieve mit de Vastelaovend gein pretje,
mit Roel I gaeve weer ‘m in Roostere drie daag van jetje!'
Gegaeve op 8 jannewari 2011 in de zaal van ‘t gemeinsjapshoes, in ‘t biezeen van
väöl Borchgrave en Borchgravinnekes en anger luuj die de Vastelaovend in
Roostere ein werm hart toedrage.
ROOSTERE, ALAAF!
|
