Printervriendelijke versie

Muziek en tekst: Robert van Hooy

De Vastelaovesorkaan

Couplet 1
Het is eder jaor hetzelfde ritueel,
d’r voltrèk zich een geweldig tafereel
Vanoet Afrika vertrèkkend,
zeen de veugel d’rop gebrandj
óm te vlege nao ’t Europese vastelandj

Toen ze äöver Spanje vloge, doe gluifs ’t noait,
dao waerde in de straote mit tomate gegoaid
Waat m’n in Frankriek en in Belsj reep,
leek al ’n bietje op Alaaf,
mer de vónke sprónge dao nog neet vanaaf

Mer toen, ja toen koom Limburg en ze keke hun ouge oet,
want in det landj dao woor pas ech get oet
Dus toen vloge ze get lieëger en ze kome korterbie
en zagte taegenein: “Weer blieve hie!”

Refrein:
Limburg is ’n provincie die waat mich steeds opnuuj get duit,
want hie lik de kiem van Carneval dae hie al ieëwe lank bestuit
De Limburgse Vastelaovend vlug äöver de waereld wie eine orkaan,
dus es-te Vastelaovend viere kèns, kèns-se de ganse waereld aan

Couplet 2
Alle luuj op waereld viere, det is waor,
hunne eige Vastelaovend eder jaor
Doon gezellig mit verkleije,
zoa wie hun det bevilt,
en vergaete alles waat hun bezig hilt

In Rio zorg de samba väör tamtam,
net wie ’t Zomercarneval in Rotterdam
In Mainz dao hèt ’t Fastnacht,
in Venetië Carnevale
Limburg haet toch äöveral zien filiale

Oze eige Vastelaovend, dae haet ’t wiet gebrach,
geit äöver gans de waereld op toernee
En zelfs de veugel waere mit Vastelaovend bie-ein gebrach,
daoróm vlege die altied in ’n groate “V”